失落康城影帝滿腹牢騷 梁朝偉唔服輸：14歲有乜演技 失意於康城影帝，梁朝偉昨日回港坦言失望，更多次表示賽前堅信 《2046》 可問鼎金棕櫚大獎，自己也有機會再當影帝，對敗於十四歲日本演員，梁朝偉笑說：「十四歲有乜演技？你話我知！」 被視為本屆康城影展大熱之作的《2046》，最終全軍盡墨，男主角梁朝偉亦失落影帝，敗給十四歲日本演員柳樂優彌。梁朝偉昨晨八時許由法國回港時 坦言感到失望，問他是否深深不忿，他說：「我都好失望，部片係超水準之作，個個拍到好辛苦都冇埋怨，無論係編、導、演、燈光同美指都好好，好有機會金棕 櫚大獎，我都睇好會，大家咁努力係大家光榮，王家又咁用心去拍，佢努力四年，本來以為個男主角獎都算，點知都係冇，但導演應該。」 梁 朝偉表示雖然《2046》落敗，但卻大獲入場觀眾好評，他無奈地說：「奈何評判口味，畀部攻擊布殊戲。」提及《2046》全體缺席頒獎禮，梁朝偉 說：「臨頒獎前已知冇獎，咪唔去囉！（係咪無聲抗議？）都知冇獎仲去做乜？荷里活星都走晒！」講到此處，梁朝偉不禁再為影片平反：「我唔覺得部戲 拍得趕，出已經係一部好完整作品，自己都好滿意，對邊個部門都有交代，到九月全亞洲上映，觀眾就會明白我依家感受，會有同感。今次當係去大型影展， 推廣香港電影囉！等多資金流入香港拍戲。其實我都應該慶祝，拍部咁好電影，比《花樣年華》更加豐富，仲有穿梭時空添！」 只視奧斯卡影帝為對手 談及《2046》大獲好評，梁朝偉再難以自控，揚言賽前只視英國奧斯卡影帝謝菲路殊為對手，他說：「成個康城之旅都好開心，昆 頓都話我做得好好，除謝菲路殊，我覺得冇其他對手，誰不知俾個十三歲（編按：大會公布為十四歲）小朋友走出，十三歲有乜演技？你話我知呀！（有冇 睇過佢部戲？）冇！我覺得今年真係好有機會，對自己表現好滿意，覺得自己演得好過《花樣年華》。」記者表示王家大讚他演技登峰造極，偉仔照單全收並笑 說：「都幾！雖然未至於出神入化，但都爐火純青。其實我覺得我今年真係好有機會。」 至於張曼玉（Maggie）封后，梁朝偉 表示替她開心，亦已恭賀她，下飛機後更有致電曼玉，可惜未能接通，提及當日由側門入場捧場，他說：「唔想喧賓奪主嘛！我係去捧場，唔係去影相，其實當晚都 好為難，鞏俐獎，Maggie又首映，為免順得哥情失嫂意，所以派嘉玲去鞏俐度，自己去Maggie邊囉！」有說他將陪同女友嘉玲往上海拍戲，偉仔不 以為然地說：「我點會陪佢拍戲？」另外，梁朝偉說雖然康城告一段落，但不會因此鬆一口氣，將會忙於該片的巡迴宣傳，希望正式上映時票房大收 25/05/2004 SUN娛樂

對於敗給一位十四歲的小朋友手上，偉仔直言心有不甘。 嘲章子怡 炮轟不公